PICHA ZA MAPOKEZI YA MTOTO ANTONY PETRO MKOANI KILIMANJARO

Mtoto Antony akisajiliwa shuleni Same- Kilimanjaro baada ya kuwasil

Mkurugenzi wa Halmashauri ya Ngara Bw Aidan Bahana akifurahia jambo na mtoto Antony baada ya kufika mkoani Kilimajaro kabla ya kupelekwa shuleni

Baada ya kuwasili kwanza walifika katiak Ofisi ya mkurugenzi wa Halmashauri ya Mwanga Golden Mgonzo na kutia saini.

Kilimanjaro: Mtoto Anthony Petro (10) wa wilaya ya Ngara mkoani Kagera aliyezuia baba yake kuuza shamba, amepokelewa kama mfalme katika wilaya ya Mwanga mkoani Kilimanjaro baada ya kuwasili katika shule ya Amani Vumwe English Medium Pre-Primary &Secondary School kwa ajili ya kuanza masomo.

Akipokelekwa na Mkurugenzi mtendaji wa halmashauri ya Mwanga hii leo Golden Ally Mgonzo alimvisha Anthony mataji ya maua kuonesha upendo na jinsi wananchi wa wilaya hiyo wanavyomtukuza kutokana na ujasiri wake kama mkombozi wa familia.

Pia aliimbiwa nyimbo za kumkaribisha akiitwa mtoto shujaa wilayani Ngara wakiwemo wanafunzi wa shule ya Amani Vumwe, viongozi wa halmashauri ya Mwanga na Ngara pia wananchi waliotamani kumuona mtoto huyo.

Mkurugenzi wa halmashauri ya Mwanga Golden Mgonzo amemuombea Anthony amani na upendo pamoja na baraka tele kwa njia ya sala akimuwekea mikono kwamba Anthony awe kiongozi bora ndani na nje ya Tanzania.

Amesema mtoto huyo amekuwa na ujasiri, utiii, heshima, juhudi na kazi ukiwemo shirikiano katika kupogania haki za familia bila kutumia ubinafsi na uchoyo.

Akitumia mfano wa yai lililozama ndani ya maji mkurugenzi huyo amewaonesha watu kuwa

Anthony alizama katika dimbwi la umaskini ambapo kupitia ujasiri wake ameibuka na kupata msaada wenye tunu ya familia.

"Tutahakikisha kipaji chake kinalindwa kwa weledi na kuelekeza kile kitakachokuwa matamanio ya maisha kwake" Amesema Mgonzo

Afisa Elimu idara ya Msingi wilayani Mwanga Allan Saidi amesema mtoto huyo ameachwa na atakuwamazingira salama na kwamba atakuwa katika uangalizi wa mara kwa mara aweze kusoma vizuri kutimiza malengo yake

Amesema idara yake itakuwa ikiratibu maendeleo ya taaluma na mahitaji yake kama yataweza kupungua halmshauri kupitia idara hiyo itawajibika kusaidia kutatua changamoto kwa masuala ya kiafya kimwili hata kiakili.

Katika hatua nyingine Afisa ustawi wa jamii wa wilaya ya Ngara Mussa Balagondoza amemkabidhi mtoto Anthony kwa afisa ustawi wa jamii wa wilaya ya Mwanga Alex Kameo akidai mtoto huyo hana kovu wala jeraha hivyo atunzwe na kuangaliwa kwa ukaribu.

Amesema kama shule itamtumia katika udadisi alio nao akapata taaluma ya darasani ataweza kufanya mambo makubwa wasiyotegemea kwani anao upeo mkubwa ambao wengi wanautegemea kutajwa na kutumiwa na watu wazima.

Mkurugenzi mtendaji wa halmashauri ya wilaya ya Ngara Aidan Bahama amewashukuru wakazi wa Mwanga na mmiliki wa shule hiyo kwa mapokezi ambayo hakutegemea kukuta watu wengi na viongozi mbalimbali

Amesema baada ya kumkabidhi Anthony anakwenda kutafuta wahisani wa kusomesha dada yake ambapo ameonesha nia mmiliki wa shule ya Rusumo new Vision English medium kinahosubiriwa ni makibaliano na kutambua masharti atakayotoa juu yao.