KAMPUNI YA KIJIJI CHA NYUKI SINGIDA KUFUNGUA RANCHI YA UZALISHAJI WA MALKIA WA NYUKI

Mkurugenzi wa kijiji cha Nyuki Philemon Kiemi akiongea na waandishi wa Habarai ofisini kwa katika kijiji cha Nyuki.

Baada ya mahojiano na Mkurugenzi wa kijiji hicho wanahabari walipata fursa ya kutembelea na kujinea mandhali na maeneo ya kijijihicho cha Nyuki.

Singida

Kampuni ya Kijiji cha Nyuki iliyopo Kata ya Kisaki mjini Singida inapanga kufungua ranchi ya uzalishaji wa malkia wa nyuki ili kukabiliana na changamoto ya upungufu wa makundi ya nyuki inayowakumba wafugaji nchini.

Akizungumza na waandishi wa habari ofisini kwake, Mkurugenzi Mtendaji wa kampuni hiyo, Philemon Kiemi, alisema zoezi hilo litaanza mwaka huu kwa lengo la kuongeza uzalishaji wa asali na bidhaa nyingine za nyuki.

Kiemi alieleza kuwa wafugaji wa nyuki wamekuwa wakikumbana na changamoto ya uzalishaji mdogo kutokana na upungufu wa makundi ya nyuki. Ili kukabiliana na tatizo hilo, kampuni hiyo imejipanga kuwafundisha watu 10,000 mbinu za ufugaji wa nyuki. Kila mshiriki atapatiwa mzinga mmoja baada ya mafunzo ili kuanzisha shughuli hiyo.

Aidha, Kiemi alisema mikakati hii inalenga kuhakikisha rasilimali za misitu na nyuki zilizopo nchini, hasa katika Mkoa wa Singida ambao umefunikwa kwa kiasi kikubwa na misitu asilia, zinawanufaisha wananchi kwa kuvuna mazao ya nyuki, yakiwemo asali.