FURSA ZA KIUCHUMI KUANZIA MASHINDANO YA CHAN NA AFCON 2027, WAFUGAJI NA WAFANYABIASHARA WATAJIUNGA

Dkt Seleman Serera Naibu katibu mkuu Wizara wa Viwanda na Biashara akingea na wanahabari juu ya maandalizi ya CHAN na AFCON 2027

Bonanza hilo liliambana na michezo mbalimbali ikiwamo Bao,Drafti,soka, mpira wa pete kufukuza kuku,kuvuta kamba,Mashindano ya kula na kunywa pia.

Naibu Waziri wa Viwanda na Biashra Mhe,Exqaud Kigahe akikagua timu ya Mpira wa pete kutoka ofisi ya Ras Mkoa wa Singida.

Mshindano ya kukamata kuu kwa kina mama kutoka Wizara ya Viwanda na Biashara na ofisi ya Mkuu wa Mkoa wa Singida

Wafanya biashara na wamiliki wa viwanda wametakiwa kutumia fursa zinazotokana na mashindano ya kimataifa yanayotarajiwa kufanyika nchini, yakiwemo Mashindano ya CHAN na AFCON 2027.

Akizungumza kuhusu nafasi za kiuchumi zinazokuja na mashindano haya, Naibu Katibu Mkuu wa Wizara ya Viwanda na Biashara, Dkt. Seleman Serera, amesisitiza umuhimu wa kujipanga mapema ili kunufaika. Aidha, aliwahimiza wafugaji wa kuku wa kienyeji mkoani Singida kutumia nafasi hii kutangaza ubora wa bidhaa zao, kwani mifugo hiyo ni maarufu na yenye soko kubwa.

"Mashindano haya ni fursa muhimu kwa biashara zetu za ndani, na tutumie nafasi hii kujitangaza kimataifa," alisema Dkt. Serera.

Kwa upande wa maandalizi, Dkt. Serera alitoa pongezi kwa jitihada za Shirikisho la Mpira wa Miguu Tanzania (TFF) katika kuboresha mashindano ya ndani na kuinua vipaji vya vijana kupitia mashindano mbalimbali.

"Maandalizi haya yanaenda sambamba na jitihada za kuhakikisha tunakuwa na timu imara itakayoshiriki Kombe la Dunia 2030. Hii inaanzia katika mashindano ya shule za msingi, UMITASHUMTA na UMISETA, na ligi za vijana za ngazi ya mikoa na wilaya," aliongeza.

Mashindano haya yanatarajiwa kuleta mwamko wa kiuchumi mkoani Singida na kote nchini, huku yakiongeza nafasi ya Tanzania katika ramani ya michezo duniani.