MAHAKAMA YA WIALAYA YA SINGIDA

NA JENISTER ZEDEKIA.

Mahakama ya wilaya ya Singida imewasomea mashitaka watuhumiwa 12 wakikabiliwa na kosa la unyanganyi wa kutumia silaha.

Akisoma shitaka hilo shitaka hilo wakili wa serikali Bi.Petrida Muta amesema kuwa washitakiwa wote kwa pamoja walitenda kosa hilo mnamo October,18,2017 majira ya saa nne na nusu usiku katika maeneo ya kititimo wilaya na mkoa wa Singida.

Bi.Muta amesema washitakiwa hao kwa pamoja wanadaiwa

kuliteka gari lenye Namba za usajiri 278 CLY aina ya Scania Bus kampuni ya Prince Line na kuiba mali mbalimbali za abiria waliokuwemo katika gari hilo.

Ameyataja majina ya watuhumiwa hao kuwa ni,Rashid Ramadhani(30),Hassan Musa(33),Benedict Andrea(33),Yohana Issack(24),Yusuph Adam(45),Musa Said(37),Richard Hassan(30),Hamis Jumanne(33),Mohamed Siima(46),Mwadi Said(49),Sudi Musa(31) na Michael Andrea(32).

Amesema waliiba vitu mbalimbali ikiwemo fedha,kadi za Bank na simu ambapo baada ya hapo washitakiwa walifikishwa kituo cha polisi na kuhojiwa na ndipo walipelekwa mahakamani na kusomewa maelezo ya onyo ambapo walikana kutenda kosa hilo.

Kunyanganya kwa kutumia silaha ni kosa na kunyume cha sheria kifungu cha 287A cha kanuni ya adhabu sura ya 16 kama ilivyofanyiwa marejeo mwaka 2011.

Kwa upande wa wakili katika upande wa mashitaka Tundu Lisu ameiomba Mahakam iweze kuwaita mashahidi kwa washitakiwa hao wamekaa gerezani siku 70 na kuomba kesi hiyo iweze kusikilizwa mnamo March,20 mwaka huu.

Hata hivyo hakimu wa mahakama hiyo Bi.Joyce Minde amehahirisha kesi hiyo hadi March,13 mwaka huu itakapo kuja kwa ajili ya kusikilizwa kwa upande wa mashahidi na upelelezi wa kesi hiyo umekamilika