JESHI LA POLISI MKOANI SINGIDA LIMEJIPANGA KUFANYA DORIA

Kamanda wa jeshi la polisi mkoa wa Singida ACP Debora Magiligimba 

Jeshi la polisi Mkoani Singida limepanga kufanya doria mara kwa mara na za kushitukiza katika barabara kuu kwa kutumia vipima mwendo ili kudhibiti madreva wasiotii sheria za usalaama barabarani.

Akiongea na waandishi wa habari Kamanda wa jeshi la Polisi Mkoa wa Singida  ACP Debora Magiligimba amesema hatua hiyo ni sehemu ya mikakati ya jeshi hilo katika kupunguza ajali za bara  barani,

Amesema pamoja na mambo mengine jeshi hilo litaendelea kufanya ukaguzi kwa kushirikiana na wadau mbalimbali  na wale  wanaokamatwa  kwa kukiuka  taratibu  wataadhibiwa kwa kufuata taratibu na sheria zilizoainishwa na serikali.

Sambamba na hilo amesema wataboresha zoezi la upimaji ulevi kwa madareva  hususasani mwanzo wa safari au pale itakapolazimu kufanya hivyo.

Tuandikie Maoni Yako Hapa