3. RC DENDEGO APONGEZA MAFANIKIO YA AFYA SINGIDA KATIKA CHANJO KITAIFA

Mkuu wa Mkoa wa Singida Halima Dendego akiongea kabla ya kukabidhi vivaa vilivyotolewa na serikali

Wakuu wa wilaya na wakurugenzi akipokea vifaa vya kutolea huduma ya Afya baada ya kukabidhiwa na mkuu wa mkoa.

Mkuu wa Mkoa Wasingida Halima Dendego na Waziri wa Fedha Dkt Mwigulu Nchemba wakikata utepe kuhashiria kupokea vifaa kwaajiri ya huduma ya Afya.

SINGIDA

Mkoa wa Singida umepokea vifaa maalum vyenye thamani ya zaidi ya shilingi milioni 178 kwa lengo la kuboresha utoaji wa huduma za afya kwa haraka na uhakika. Vifaa hivyo vinajumuisha pikipiki 11 na gari moja aina ya Centa.

Mkuu wa Mkoa wa Singida, Halima Dendego, alipokea na kukabidhi vifaa hivyo mbele ya Waziri wa Fedha na Mbunge wa Iramba, Dkt. Mwigulu Nchemba, katika hafla iliyofanyika kwenye viwanja vya ofisi ya Mkuu wa Mkoa wa Singida. Katika hotuba yake, Dendego alitoa pongezi kwa Mganga Mkuu wa Mkoa wa Singida, Dkt. Victorina Rudovick, na timu yake kwa juhudi zao katika kuboresha huduma za afya.

Aidha, Mkuu wa Mkoa alisifu Idara ya Afya ya Mkoa wa Singida kwa kuongoza kitaifa katika utoaji wa chanjo. Alieleza kuwa vifaa hivyo vitahakikisha huduma za afya zinafika kwa wananchi katika ngazi ya kata na vijiji kwa ufanisi zaidi.

Baada ya kupokea vifaa hivyo, Mkuu wa Mkoa aliwakabidhi kwa Wakuu wa Wilaya, Wabunge wa Majimbo ya Mkoa wa Singida, Wakurugenzi wa Halmashauri, na Wakuu wa Idara ya Afya walioudhuria hafla hiyo.

"Kwa vifaa hivi, wananchi wa Singida sasa watapata huduma bora na karibu na makazi yao," alisema RC Dendego.