MAADHIMISHO YA MIAKA 63 YA UHURU YAFANA MKOANI SINGIDA

 

Mkuu wa mkoa wa Singida Akikabidhi msaada mablimbali kwaajiri ya wagonjwa waliyolazwa katika hosptali ya Rufaa Mandewa.

Mkuu wa Mkoa wa Singida Halima Dendego akinda mti ikiwa ishara ya kuunga mkoano jitihada za serikali katika kutunza nazingila

Mwenyekiti wa CCM Mkoa wa Singida Martha Mlata akipanda mti katika maadhimisho ya miaka ya 63 ya uhuru.

Na Mwandishi Wetu

Mkoa wa Singida umeadhimisha miaka 63 ya Uhuru kwa kufanya shughuli mbalimbali za kijamii, ikiwa ni pamoja na kutembelea Hospitali ya Rufaa ya Mandewa na kutoa misaada kwa wagonjwa waliolazwa katika wodi ya kina mama. Katika juhudi za kuimarisha uhifadhi wa mazingira, miti zaidi ya 500 ilipandwa katika eneo la hospitali hiyo, hatua inayolenga kuboresha mazingira na afya ya jamii.

Maadhimisho hayo yaliongozwa na Mkuu wa Mkoa wa Singida, Mheshimiwa Halima Dendego, ambaye kwa furaha pia alisherehekea siku yake ya kuzaliwa. Mheshimiwa Dendego aliandamana na viongozi wa chama na serikali, wakiwemo Mwenyekiti wa CCM Mkoa wa Singida, Mheshimiwa Martha Mlata, wajumbe wa Kamati ya Ulinzi ya Mkoa, wakuu wa wilaya, wakurugenzi na wenyeviti wa halmashauri, pamoja na wanahabari na wananchi kwa ujumla.

Kwa niaba ya mgeni rasmi wa maadhimisho hayo kimkoa, Naibu Waziri Mkuu na Waziri wa Nishati, Mheshimiwa Doto Biteko, Mkuu wa Mkoa alihimiza wananchi kudumisha amani, mshikamano, na usafi wa mazingira. Pia aliwataka wakulima kuchukua fursa ya mvua zinazonyesha kwa kupanda miti na kuimarisha kilimo, akibainisha kuwa serikali imeendelea kuboresha upatikanaji wa pembejeo kupitia ruzuku ya mbegu na mbolea ili kuongeza uzalishaji.

Naye Chief Senge wa Singida pamoja na Mwenyekiti wa Halmashauri ya Wilaya ya Singida, Mheshimiwa Elia Digha, walipozungumzia maendeleo yaliyopatikana katika miaka 63 ya Uhuru, walisema kuwa mafanikio haya yanadhihirisha umuhimu wa amani na utulivu wa nchi chini ya uongozi bora wa taifa hili.

Maadhimisho haya yameonyesha mshikamano wa viongozi na wananchi wa Singida katika kusherehekea uhuru kwa vitendo vinavyolenga kuimarisha maisha ya jamii na ustawi wa mkoa huo.

Tuandikie Maoni Yako Hapa