WAWILI WAPANDISHWA KIZIMBANI KWA MAUAJI YA WALIZI -SINGIDA

Na Mwandishi wetu -Singida

WAKAZI wawili wa mkoa wa Mwanza wanaotuhumiwa kuua walinzi wawili wa usiku katika manispaa ya Singida na kuwapora/kunyang’anya simu nne za vingajani,wanatarajiwa kufikishwa mahakamani agosti 19 mwaka huu.

Watuhumiwa hao ni Chacha Marwa Sandu ambaye pia anatambulika kwa majina ya Jose Samwel S.Mgosi Mkurya.na mtuhumiwa mwingine ni Michael Steven Mkono au Kipara.

Chacha mwenye umri wa miaka 24,ni mchimba madini,wakati Michael mwenye umri wa miaka 45,ni mfanyabiashara Burugu.

Washitakiwa hao wanashitakiwa kwa kosa la mauaji kulingana na kifungu namba 196 na 107, ya kanuni ya adhabu (cap 16,2022).

Wanadaiwa kuwa aprili 19 mwaka huu,wakiwa mtaa wa Salimini kata ya Misuna kata ya Mungu Maji manispaa ya Singida.Majira ya usiku,walimuua Leonce Ilanda Njiku.Wakati alipokuwa kwenye lindo lake.

Imeelezwa kwamba baada ya kuhakikisha wamemuua mlinzi huyo,walimpora simu zake mbili za kigajani.

Usiku ule ule wa aprili 19 mwaka huu,washitakiwa hao walimuua Isamail Ramadhani mkazi wa Ng’ongoajibu mtaa wa Majengo kata ya Mungu Maji.

Walitekeleza unyama huo usiku Ramadhani akiwa kwenye ulinzi wa ghala,na kumpora simu mbili pia za kiganjani.

Wajibu wa mahakama ya mkoa,ni kutaja tu tarehe ya kufikishwa mahakamani kwa watuhumiwa. .Mahakama kuu ndiyo yenye mamlaka ya kusikiliza kesi za mauaji.

Kwa mujibu wa kamanda wa polisi mkoa wa Singida SACP Amon Kakwele,amesema kuwa baada ya watuhumiwa kutokomea kusikojulikana,jeshi la polisi Singida likishirikiana na kitengo cha uchunguzi wa matukio kisayansi na makosa ya mtandao,walibaini watuhumiwa wamekimbilia mikoa ya Mwanza,Simiyu na Shinyanga.

“Timu ya makachero kutoka Singida ilitumwa na ambapo watuhumiwa hao walikamatwa mei 26 mwaka huu huko wilayani Kahama mkani Shinyanga.Upelelezi kwa sasa umekamilika na watuhumiwa tayari wameishafikishwa mahakamani”,alisema SACP Kakwale.

Aidha amewaomba wadau mbalimbali kuendelea kushirikiana na jeshi la polisi mkoa wa Singida,kutoa taarifa kupitia ofisi za kituo kidogo cha polisi stand ya zamani,na kata.

Kamanda huyo ametumia fursa hiyo kuwashukru wananchi wema kwa msaada wao uliofanikisha kukamatwa kwa watuhumiwa hao.

Kikao cha wadau wa usalama na jeshi la polisi kilichofanyika muda mfupi baada ya matukio hayo.Ndicho kilichofanikisha kukamatwa kwa watuhumiwa na sheria inachukua mkondo wake.Tunawaomba waendelee kushirikiana polisi bega kwa bega .