TAREA YATOA SOMO KWA WALAJI WA NISHATI SINGIDA

Kulia ni Bw Urbanus .F.Melkiori na Bw Wim Bredewold kutoka Arusha Technical College wakitoa ufafanuzi juu ya namna wanavyo toa elimu kwa vijana juu ya Nishati Jadidifu.

Washiriki kutoka mikoa mbalimbali wakifuatila kwa makini maelezo kutoka kwa wawezeshaji.

Kushoto ni katibu mkuu mtendaji Muhandisi Methew Matimbwi akiwa na baadhi ya watendaji kutoka TAREA ukumbini FDCT Utemini Singida mjini.

Muhandisi Neema Msemwa Afisa viwango kutoka TBS akionyesha namna ya utambuzi wa kifaa cha kuzalishia umeme wa mwanga Sola chenye kiwango bora.

WIZARA ya Nishati kwa kushirikiana na Tanzania Renewable Energy Association (TAREA) wametoa mafunzo kwa zaidi ya vijana 4,000 ya kuwajengea uwezo wa kutambua namna bora ya kununua vifaa vya umemenuru kwa njia iliyo bora katika mikoa 14 ya Tanzania ili kuepukana na ununuzi wa vifaa vilivyo chini ya kiwango.

Katibu Mkuu wa TAREA,Mhandisi Methew Matimbwi ameyasema hayo kwenye semina ya siku moja iliyofadhiliwa na Benki ya dunia na kufanyika katika ukumbi wa mikutano wa Chuo cha Maendeleo ya Wananchi (FDC) mjini Singida na kuwashirikisha wauzaji wa rejareja wa vifaa vya umemenuru pamoja na wanafunzi wa chuo cha maendeleo ya wanani cha mjini Singida wanaochukua kozi ya umeme.

Aidha Mhandisi huyo hata hivyo amebainisha kuwa bado wanaendelea kufundisha vijana kwenye maeneo yale ambayo wanaona kuna uhitaji mkubwa kuliko mwingine ambapo amekiri pia kwamba mahitaji ni makubwa sana ukilinganisha na mafundi waliopo.

Naye Afisa viwango wa shirika la Viwango Tanzania (TBS) akizungumzia namna ya kuwasaidia walaji wa Mkoa wa Singida ili waweze kununua biadha zilizo bora,Bi Neema Msemwa ameweka wazi kuwa wao kama TBS wameshaanza kufanya ukaguzi kwenye masoko makubwa kwa Mkoa wa Dar-es-Salaam kuwa ni pamoja na Kariakoo,Tandika,Ilala na walikagua vifaa vya sola,nguo za ndani za mitumba.

Kwa upande wake mmoja wa washiriki wa semina hiyo ambaye pia ni mwuzaji wa vifaa vya umemenuru katika duka la SAMUSHO,Bi Elizabeth Masawe amesema kwamba idadi kubwa ya bidhaa mbovu zimezagaa jijini Dar-es-Salaam na TBS haijafanya jitihada zozote za kuzifuatilia kwa karibu mpaka zinawafikia walaji wa mikoani.

BENKI ya dunia imefadhili tamasha ya siku mbili la nishati jadilifu lililotanguliwa na semina kwa wauzaji wa rejareja wa vifaa vya umemenuru pamoja na wanafunzi wa chuo cha maendeleo ya wananchi wanaochukua kozi ya umeme.