CCM SINGIDA YAPONGEZA KUPATIKANA KWA MO DEWJI

CHAMA Cha Mapinduzi  (CCM) mkoa wa Singida,kimeungana na Watanzania wengine kumpongeza na hadi  kupatikana kwa mfanyabishara maarufu nchini, Mohammed Gullam Dewji akiwa hai.

Pongezi hizo zimetolewa  na katibu mwenezi CCM mkoa wa  Singida bw,Ahemed  Athumani  wakati akizungumza na waandishi wa habari juu ya tukio la kuachiliwa huru kwa Mohamed Dewji.

Amesema kwa kiasi kikubwa mafanikio ya kumpata MO akiwa hai,yamechangiwa na vyombo vya serikali ya CCM,na maombi ya Watanzania wengi ambao ni wapenda amani na utulivu. 

Akisisitiza,alisema MO alipendwa kwa uchangiaji wake mkubwa katika  sekta mbalimbali za maendeleo.Pia akiwa MNEC,pamoja na kazi kubwa aliyoifanyia CCM mkoa,aliweza kujenga ofisi za kata (CCM) 116.

Alisema wakati umefika kwa Watanzania waliobahatika kuwa na hali nzuri kiuchumi,kuajiri walinzi kwa ajili ya usalama wao na wa mali zao.

Kwaupande wake katibu wa  CCM mkoa wa Singida,Amina Imbo,amesema hadi sasa MO bado ni mpiga kura (CCM) mkoani hapa, na bado anasaidia ustawi wa chama tawala mkoa  bila kinyongo.

Tuandikie Maoni Yako Hapa