AJALI MBAYA YAUA WANAFAMILIA MKOANI SINGIDA

Mkuuwa wilaya ya Iramba akifika katika Hospitali ya wilaya ya Iramba.

dereva wa lori la Azam Bw,Nelsoni Sanya (38) akisimuli jinsi ajali hiyo ilivyotokea aliyesimama ni mkuu wa wilaya ya Iramba Emanuel Huhaula alipofika katika kituo cha afya kilichopo wilayani Iramba.

WATU wawili wa familia moja wamepoteza maisha kufuatia ajali iliyohusisha magari matatu na kuligonga gari dogo aina ya HICE lenye namba za usajili T149 DAF walilokuwa wakisafiria kutoka Mkoani Arusha kwenda Kijiji cha Shelui wilayani Iramba,Mkoani Singida kugongwa na gari lenye namba za usajili T791 CBW aina ya Benzi katika Kijiji cha Kizaga,barabara kuu ya kutoka Singida kwenda Mwanza.

Mganga Msaidizi wa Hospitali ya wilaya ya Iramba,Dk.Revocatus Akaro amethibitisha kupokea miili ya watu wawili waliopoteza maisha na kuwataja kuwa ni Bwana Julius Kiula( 50),Bi Mwaridieli Mdede (48) na dereva wa lori,Nelsoni Sanya (38) aliyekuwa majeruhi katika ajali hiyo.

Kwa mujibu wa daktari huyo Kiula alikuwa na jeraha kichwani lililochangia kifo chake na Mwaridieli Mdede alikuwa na jeraha kichwani na mbavu za upande wa kushoto na wa kulia wakati dereva wa lori ambaye ni majeruhi,alikatwa sehemu ya kanyagio la mguu wa kushoto na kushonwa nyuzi tisa na hali yake inaendelea vizuri.

Mwenyekiti wa kamati ya ulinzi na usalama ambaye pia ni Mkuu wa wilaya ya Iramba,Bwana Emmanueli Luhahula amesema tukio hilo lilitokea julai,21,mwaka huu saa tano asubuhi ambapo polisi wa kitengo cha usalama barabarani walisimamisha gari dogo aina ya Hice na lori yaliyokuwa yakienda mwendo wa kasi na kuanza kuwahoji wahusika.

Ameweka bayana Luhahula kwamba wakati mahojiano yakiendelea ndipo ghafla lilitokea lori la Kampuni ya Azamu na wakati likitaka kupita ndipo askari walijitokeza na kulisimamisha ghafla na ndipo dereva alipotaka kufunga breki,tairi la mbele lilipasuka na gari likayumba na ndipo tela lake lilipoigonga hice iliyokuwa na watu wawili wa familia moja.

Hata hivyo Mkuu wa wilaya huyo amekiri kwamba jeshi la polisi kitengo cha usalama barabarani kilifanya makosa kwa kusimamisha gari kwa pande zote mbili na kila upande kukawa na gari na kuifanya barabara hiyo kubakia kuwa ndogo na pia kukimbilia kusimamisha gari ghafla,lililokuwa likienda mwendo kasi na kusababisha ajali hiyo kutokea.

Akizungumza huku akiangua kilio kwa uchungu wa kupoteza ndugu zake wawili,dereva wa gari dogo aina ya Hice,Bwana Gunda Mdede amesema akiwa safarini kutoka Arusha kwenda Shelui ndipo alipofika kwenye eneo hilo,askari wa kikosi cha usalama barabarani walisimamisha ghafla gari pande zote za barabara.