MKUU WA WILAYA YA SINGIDA Bw ELIAS TARIMO AONGEA NA WAKULIMA WA VITUNGUU SINGIDA NA KUTOA TAMKO

soko la kimataifa la vitunguu Misuna Singida

Mkuu wa wilaya ya Singida Bw Elias Tarimo wakati akiongea na wakulima na wafanyabiashara.

MKUU wa Wilaya ya Singida amepiga marufuku wafanyabiashara wa vitunguu kutoka nchi jirani za Kenya,Uganda,Ruanda,Burundi,Zambia, Kongo na Malawi kwenda kununu vitunguu kweneye mashamba ya wakulima vijijini na badala yake amewataka kwenda kununua kwenye soko la kimataifa la vitunguu,lililopo Manispaa ya Singida.

Tangazo hilo la zuio lilitolewa na Mkuu wa wilaya ya Singida,Bwana Eliasi Tarimo baada ya kupokea malalamiko ya wafanyabiashara kutoka soko la kimataifa la vitunguu, kulalamikia kuwa wafanyabiashara wanaotoka nchi hizo kuwa wanakwenda kununua vitunguu kwenye mashamba ya vijijini na hivyo kusababisha biashara katika soko hilo kudorora huku serikali ikikosa mapato yake.

Hata hivyo Bwana Tarimo hakusita kuwaeleza umuhimu wa tangazo hilo kuwa ni kuhakikisha mkulima,mfanyabiashara wa kati na mfanyabaishara mkubwa kila mmoja ananufaika na shughuli yake anayoifanya na kuwataka baada ya kufanyabiashara zao wasisite kwenda kulipa kodi ili serikali iweze kuwaletea maendeleo kwenye maeneo yao.

Nao baadhi ya wafanyabiashara wa vitunguu katika soko hilo la kimataifa,Bwana Jonathani Mpinga amesema kuwa serikali haina budi kuweka usawa wa sheria ya kuzuia ujazaji kwa njia ya lumbesa kwa mikoa yote badala ya sheria hiyo kutumika katika Mkoa wa Singida peke yake.

Ameweka bayana kwamba akiwa mfanyabiashara wa zao hilo amekwenda katika masoko ya Moshi na Mang’ola hajawahi kuona sheria ya kukataza ujazo wa lumbesa kama inavyokatazwa katika Mkoa wa Singida na hivyo kuishauri serikali kuwa na kauli moja kwa nchi nzima ili wanunuzi wasije wakawakimbia katika soko hilo.