MATUMIZI MABAYA YA BARABARA CHINI YANAWEZA KUPUNGUZA NGUVU KAZI

Imeelezwa kuwa matumizi  yasiyo sahihi ya  barabara  yanaweza kupunguza nguvu kazi na kusababisha vilema pamoja na majeruhi ya kudumu kwa watumiaji wa  vyombo vya moto na waliowabeba.

Hayo yamesemwa na Bw.Paul David amabye ni  mtunza nidhamu wa polisi wa wilaya ya Singida wakati akizungumza na kipindi cha ZINDUKA cha STANDARD RADIO mjini SINGIDA ambapo amewataka waendesha vyombo vya moto kama vile pikipiki na bajaji kuwa makini katika uendeshaji wao.

Aidha amewataka waendesha pikipiki kuhakikisha wanavaa kofia ngumu ikiwa ni pamoja na kufunga mikanda ya kofia hiyo ili kuweza kujikinga na ajali pale inapotokea.

Hata hivyo amemalizia kwa kusema kuwa pale wananchi wasipo ridhika na huduma inayotolewa na maafisa usalama barabarani waweze kutoa taarifa kwa vyombo vya sheria.

Tuandikie Maoni Yako Hapa