KINAMAMA WATAKIWA KUTOA USHIRIKIANO NA DAWATI LA JINSIA SINGIDA

Afisa utawi wa jamiii hospitali ya mkoa Singida Magret Henjewele

Wito umetolewa kwa kina mama wote ambao wanafanyiwa ukatili wa kijinsia na waume zao kutoa ushirikiano kwa vyombo vya sheria ili sheria iweze kuwabana watuhumiwa na hao lengo likiwa ni kukomesha vitendo vya unyanyasaji kwa kina mama.

Akizungumza na Standard radio ofisini kwake afisa ustawi wa jamii katika hospitali ya mkoa wa Singida Bi. Magreti Henjewele amesema wamekuwa wakiwapokea wagonjwa wengi hususani wanawake ambao wamepigwa na kuumizwa na waume zao lakini baada ya kupona huwa wanaamua kusamehe na kuwaficha wahalifu hao.

Amesema chanzo kikubwa kinachopelekea ugomvi hadi mama kuumizwa ni maswala ya kiuchumi ambapo kina baba wengi wamekua tegemezi katika familia zao kwa kuwasubiri kina mama wakatafute na wao kuja kulazimisha kutumia pesa hizo kwa maslahi yao binafsi.

Bi. Henjewele amesema wamekuwa wakiwapokea wagonjwa wa namna hiyo hadi kumi huku wengi wao wakiwa na hali mbaya na wengine kupoteza maisha wakati wakipatiwa matibabu.

Tuandikie Maoni Yako Hapa