USHIRIKIANO WA VYOMBO VYA HABARI NA MGONTO FOUNDATION WAIMARISHWA KUPITIA FUTARI

Mkurugenzi wa Mgonto Foundatiom Kassim Mumbwa amesema kuwa Mgonto Foundatio ni Taasisi ya Kijamii.

Wanahabari kutoka Vyombo mbalimabli Mkoani Singida wakipata Futari iliyoandaliwa na Chief Mgonto Foundation

Singida,

09 Machi 2025

Taasisi ya Mgonto Foundation imeandaa hafla maalum ya futari kwa wanahabari wa Mkoa wa Singida, tukio lililofanyika katika Hoteli ya Rafiki. Hafla hiyo ililenga kuimarisha mshikamano kati ya wanahabari na wadau wa maendeleo, ikiwa ni sehemu ya kusherehekea mwezi mtukufu wa Ramadhani.

Kikao hicho kilifunguliwa rasmi na Mwenyekiti wa Chama cha Waandishi wa Habari Mkoa wa Singida, Elisante John, ambaye aliwashukuru waandaaji kwa kutambua mchango wa wanahabari katika jamii. Alisisitiza kuwa ushirikiano kati ya vyombo vya habari na taasisi kama Mgonto Foundation ni muhimu kwa maendeleo ya mkoa huo.

Akizungumza Mkurugenzi wa Mgonto Foundation Kassim Mumbwa alieleza dhamira ya taasisi hiyo ya kuendelea kushirikiana na jamii, ikiwemo wanahabari, ili kuimarisha umoja na maendeleo ya Singida.

"Tunatambua mchango mkubwa wa wanahabari katika kuhabarisha na kuelimisha jamii. Mgonto Foundation itaendelea kuwa karibu nanyi na wadau wengine ili kuhakikisha tunaleta maendeleo ya kweli," alisema Mkurugenzi huyo.

Wanahabari walioshiriki hafla hiyo waliipongeza Mgonto Foundation kwa kuthamini mchango wao na kuahidi kuendelea kushirikiana na taasisi hiyo katika kufanikisha maendeleo ya jamii.

Hafla hiyo ni moja kati ya jitihada za Mgonto Foundation katika kujenga mshikamano wa kijamii, huku ikiendelea kusaidia makundi mbalimbali katika mkoa wa Singida.