VIONGOZI WA DINI NA WAZEE WA KIMILA WAASWA KUELIMISHA JAMII DHIDI YA RUSHWA

Mkuu wa taasisi ya kuzuiya na kupambana na Rushwa Mkoa wa Singida Sipha Mwanjala akifungua semina hiyo iliyoandaliwa na Takukuru.

Mkuu wa Mkoa wa Singida Halima Dendego akiongea na Viongozi wa dini na wazee wa kimila,viongozi mabalimbali wa taasisi na wazee maalufu n.k

Mwezeshaji wa Semina hiyo ya Sikumoja kutoka Takukuru mkoa Singida akitoa mada kwa washiriki wa Semina hiyo

Mkuu wa Mkoa wa Singida akiongea na msanii wa maarufu wa mashairi mkoa wa Singida Mussa Mshairi.

Katibu wa Bakwata Mkoa wa Singida Ally Ommari Muna akichangia mada katika semina hiyo.

Singida

Viongozi wa dini na wazee wa kimila wametakiwa kuwa mstari wa mbele katika kutoa elimu kwa jamii kuhusu madhara ya rushwa, wakisisitizwa kuwa rushwa siyo tu kosa la kisheria bali pia ni kinyume na maadili ya imani mbalimbali.

Wito huu umetolewa katika semina maalum iliyoandaliwa na Taasisi ya Kuzuia na Kupambana na Rushwa (TAKUKURU) Mkoa wa Singida, ikilenga kuwawezesha viongozi wa dini, wazee wa kimila, na viongozi wa taasisi mbalimbali kushiriki kikamilifu katika mapambano dhidi ya rushwa.

Mkuu wa TAKUKURU Mkoa wa Singida, Sipha Mwanjala, amesisitiza kuwa rushwa inakwamisha maendeleo kwa kusababisha miradi kutotekelezwa ipasavyo, hali inayowanyima wananchi huduma muhimu walizostahili. Pia, ameeleza kuwa rushwa huchochea vitendo vingine vya kihalifu kama vile wizi, unyanyasaji wa kijinsia, na ukiukwaji wa haki za binadamu, hivyo kudhoofisha mshikamano wa jamii.

Mkuu wa Mkoa wa Singida, Halima Dendego, ambaye alikuwa mgeni rasmi katika semina hiyo, amewahimiza wananchi kushiriki kikamilifu katika kupambana na rushwa, hasa wakati huu ambapo nchi inakaribia kipindi cha uchaguzi. Amewataka viongozi wa dini na wazee wa kimila kuendelea kuhamasisha uadilifu na uwajibikaji ndani ya jamii.

Washiriki wa semina hiyo, wakiwemo Katibu wa BAKWATA Mkoa wa Singida, Ally Ommary Nuna, na mzee maarufu Joseph Sabole, wameeleza kuwa rushwa inahatarisha utulivu wa nchi kwa kusababisha mgawanyiko na kukwamisha maendeleo. Wamependekeza kuwa mafunzo kama haya yaendelee kushirikisha vyombo vya ulinzi na usalama ili kuwezesha mikakati madhubuti ya kupambana na tatizo hilo.