WIZARA YA FEDHA YAWAPIGA MARUFUKU WAKUU WOTE WA TAASISI

WIZARA ya Fedha imepiga marufuku kwa Maafisa masuhuli pamoja na wakuu wa taasisi wote nchini kutoingia mikataba kwa watoa huduma na wakandarasi endapo watakuwa bado hawajapokea fedha kutoka kwa mlipaji mkuu wa serikali,ili kuepuka kuzalisha madeni hewa yanayowezakuwa kuwa mzigo baadaye kwa serikali.

Naibu Waziri wa Fedha na Mipango,Bi Ashantu Kijaji ametoa agizo hilo mjini Singida wakati alipokuwa akizungumza na wafanyabiashara wadogo,wa kati na wakubwa wa Manispaa ya Singida,kwenye ukumbi wa mikutano wa Mabula mjini Singida.

Aidha Naibu waziri huyo amesema agizo hilo la kuzalisha madeni lilishatolewa na waraka wa serikali kutoka kwa mlipaji mkuu,katibu mkuu wa Wizara ya Fedha na Mipango kwamba mkuu yeyote yule wa taasisi asiingie mkataba wowote na watoa huduma au wakandarasi kama hawajapata fedha za kugharamia shughuli hizo.

Kwa mujibu wa Bi Kijaji lengo la agizo hilo ambalo lilishatolewa tangu mwaka 2016/2017 ni kuhakikisha kwamba maafisa masuhuli hao wanapoingia mikataba na Wakandarasi au Wazabuni waweze kulipwa fedha zao ili waanze kazi.

Akijibu baadhi ya hoja za wafanyabiashara hao,Mkuu wa wilaya ya Singida,Bwana Eliasi Tarimo ameweka bayana sababu za jeshi la polisi kufanya upekuze kwenye nyumba za kulala wageni wakati wa usiku kuwa ni pamoja na kuimarisha usalama kwa wananchi na kubaini wahamiaji haramu wanaoingia nchini kiholela.

Kwa upande wao baadhi ya wafanyabiashara wa Manispaa ya Singida,Bwana Valery Kimambo,pamoja na Naibu Waziri kutoa ufafanuzi,lakini hakusita kuwasilisha kilio chao kuhusu riba kubwa zinazotozwa na taasisi za kifedha kwa wakopaji katika taasisi hizo,na hivyo kuomba kiwango hicho cha riba kipunguzwa.

Mwakilishi wa mkurugenzi mkuu wa mamlaka ya mapato TRA Bw Beatus Nchota akimtabulisha afisa mausiano na elimu ya mlipa kodi TRA mkoa wa Singida Bw Zakaria kwa wafanyabiashara wa mkoa wa Singida baada ya swali kuulizwa na wafanyabiasha hao juu ya kutomtambua mkoani hapa.