DR NCHIMBI KUVIFUTA VYAMA VYA MSINGI VYA WAKULIMA SINGID

Dr Rehema Nchimbi mkuu wa mkoa wa Singida

MKUU wa Mkoa wa Singida,DK.REHEMA NCHIMBI ameahidi kuvifuta vyama vya msingi vya wakulima wa zao la Tumbaku pamoja na Bodi ya Tumbaku ya Mkoa wa tumbaku Manyoni endapo wakulima wa zao hilo watakosa soka la kuuzia tumbaku yao waliyolima kwa mwaka 2016/2017.

Akifungua soko la zao la tumbaku kwa msimu wa kilimo wa 2016/2017 uliofanyika katika Chama cha Ushirika cha Msingi Isingiwe LTD Mitundu,Mkuu huyo wa Mkoa amesisitiza kwamba endapo wananchi hao watabaki na zao la tumbaku ndani ya nyumba zao,mwenyekiti wa Bodi ya tumbaku ndiyo itakuwa mwisho wa kuitumikia nafasi hiyo.

Hata hivyo Dk.Nchimbi hakusita kusisitiza juu ya upatikanaji wa soko la zao la tumbaku za wakulima lipatikane ili kuondokana na maneno ya minong’ono iliyozidi kwenye maeneo mbali mbali kwamba zao hilo linachachusha hata asali.

Hata hivyo Dk.Nchimbi amewataka watendaji,hususani maafisa ugani katika Halmashauri ya Itigi kujenga utamaduni wa kuishi na wakulima wa zao la tumbaku badala ya kuwatembelea pale tu wanapohitaji michango ya shughuli mbali mbali za mandeleo.

Katika risala ya wakulima wa zao la tumbaku wa vyama vitano iliyosomwa kwenye sherehe hiyo na Mwenyekiti wa Chama Cha Ushirika cha Msingi Isingiwe,Bwana Daud Ngayaula imevitaja vyama vitano vilivyolima zao la tumbaku kwa msimu wa kilimo wa 2016/2017 kuwa ni pamoja na IsingiweAmcos, Manyanya Amcos,Idodoma Amcos,Mtakuja Amcos na Umoja Amcos na kwmaba vyama hivyo vinatarajia kuzalisha kilogramu 295,000 ambazo iwapo zitanunuliwa zote kwa wastani wa bei ya kitaifa ya dola mbili za kimarekani kwa kilo,vyama hivyo vitapata dola 590,000 za zenye thamani ya shilingi 1,298,000,000/= za kitanzania.

Hata hivyo Bwana Ngayaula hakusita kuzitaja baadhi ya changamoto zinazovikabili vyama hivyo kuwa ni kupewa uzalishaji mdogo wa Makampuni na kujitoa kwa Kampuni ya AOTTL kutonunua zao la tumbaku kwa msimu wa kilimo wa 2017/2018.

Naye Mwakilishi wa Makampuni yanayonunua tumbaku, Bwana Charles Kizigha amesema katika siku ya kwanza ya ufunguzi huo wa soko,tumbaku iliyonunuliwa ina thamani ya dola za kimarekani 575.786 sawa na shilingi za kitanzania milioni 1,281,085.13 kwa bei ya shilingi 2,225.