MWONEKANO WA DARAJA LA SIBITI MKOANI SINGIDA

Baada ya kupata maelezo juu ya ujenzi wa daraja hilo kutoka kwa meneja wa TANROAD mkoa wa Singida Eng Kapongo mkuu wa mkoa alipata fulsa ya kuongea na wakandarasi wa mradi huo wa daraja la Sibiti linalounganisha mikoa ya Simuyu na Singida.

Meneja wa TANROAD mkoa wa Singida Eng Leonard Kapongo akitoa ufafanuzi kwa mkuu wa mkoa.

Baadhi ya madaraja madogo madogo yaliyokwisha kamilika .

Mkuu wa mkoa wa Singida Dr Rehema Nchimbi akikagua ujenzi wa daraja hilo

Wakala wa barabara nchini (TANROADS) mkoa wa Singida, unatarajia kulipa fidia ya zaidi ya shilingi milioni 153.2 kwa baadhi ya wananchi wa kijiji cha Sibiti wilaya ya Mkalama, walioathiriwa na ujenzi wa daraja kubwa la mto Sibiti.

Meneja wa TANROADS mkoa wa Singida, Leonard Kapongo, amesema hayo wakati akitoa taarifa ya maendeleo ya ujenzi wa daraja hilo kwa mkuu wa mkoa Dk. Rehema Nchimbi ambaye alifanya ziara ya kukagua ujenzi huo..

Amesema zaidi ya shilingi milioni 74.8 zimelipwa fidia kwa wananchi waliotambuliwa katika awamu ya kwanza na kwamba malipo yaliyosalia ya zaidi ya shilingi milioni 78.3 kwa wananchi waliotambuliwa katika tathimini ya awamu ya pili, watafidiwa pindi fedha zitakapopatikana

Katika hatua nyingine, Eng. Kapongo amesema hadi kufikia machi mwaka huu, maendeleo ya ujenzi huo, yamefikia asilimia 41.22

Amesema mkandarasi alipaswa kumaliza kazi kwa asilimia mia moja april 2014 Lakini kutokana na mvua kubwa zilizonyesha mwaka 2013 na 2014, zilisababisha mafuriko na kupelekea mkandarasi kusimama kwa kushidwa kufika eneo la kazi.

Kwa upande wake mkuu wa mkoa Dk. Nchimbi, ameipongeza kampuni ya Kichina,Hainan International Ltd, kwa juhudi za kujenga daraja hilo na maingilio ya barabara kwa upande wa mkoa wa Simiyu na mkoa wa Singida.

Wakati huo huo mkuu huyo wa mkoa, amekemea tabia ya baadhi ya vibarua na wananchi, kuiba mafuta na vifaa vya ujenzi vya wakandarasi wanaojenga miradi inayogharimu fedha nyingi za serikali na za ufadhili.

Mradi huo utagharimu zaidi ya shilingi bilioni 16.3