 |
| Mkuu wa mkoa wa Singida Dr Rehema nchimbi |
MKUU wa
mkoa wa Singida, Dk Rehema Nchimbi ameziagiza halmashauri za wilaya na Manispaa
mkoani humo kuanzisha dawati la kuhamasisha na kutoa maelekezo muhimu kwa
sekta binafsi katika kutumia ipasavyo fursa za kiuchumi kufutia makao
makuu ya nchi kuhamia Dodoma.
Dk Nchimbi
alitoa agizo hilo kwenye mahojiano maalum na waandishi habari ofisini kwake
ambapo, pamoja na mambo mengine, alitakiwa kutaja vipaumbele vyake katika
kuharakisha maendeleo kwa wananchi baada ya kuhamishiwa hivi
karibuni mkoani humu kutokea Njombe.
Alisema
kuwa makao makuu ya nchi kuhamishiwa katika mkoa jirani wa
Dodoma kunatoa fursa nyingi za kiuchumi na kijamii kwa njia za uwekezaji
kwenye sekta mbalimbali; ikiwemo sekta binafsi.
Kutokana
na hali hiyo, alisema kuna haja kwa kila Halmashauri kuanzisha
dawati maalum la sekta binafsi kwa ajili ya kuhamasisha, kutoa maelekezo
na misaada mingine juu ya namna bora ya kutumia fursa hiyo katika kuibua,
kubuni, kuanzisha na kutekeleza miradi ya kiuchumi.
Dk Nchimbi
alisema kuwa fursa hizo ni pamoja na ujenzi wa nyumba bora na za
kisasa za kulala wageni, Mahoteli, viwanda vikubwa, shughuli za Utalii,
usindikaji wa mazao ya kilimo, kilimo cha kisasa na biashara yenye tija.
Hata
hivyo, alisema kuwa hatua hiyo ni lazima iende pamoja na kutenga
maeneo ya uwekezaji na kuyatangaza kwa wadau sanjari na kupunguza
urasimu uliopo katika utoaji wa maeneo hayo ili kuvutia wawekezaji
wengi zaidi.
Aidha, alitaja vipaumbele
mbele vingine kuwa ni kujenga uwanja wa ndege mkubwa na wa kisasa, kuwa na
umwagiliaji wa mifugo kwa kuchimba mabwawa ya kutosha na kila kijiji kuwa na
ekari 20 za msitu kisiwa. na Abby nkungu Singida
0 Comments