WAZIRI DR TIZEBA WAKULIMA TUNZENI CHAKULA HAKUNA MSAADA KUTOKA SERIKALINI

Waziri Dr Charles Tizeba akiongea katika gwalide la mifugo Nane nane mijini Dodoma

WAZIRI wa kilimo na Mifugo nchini Dk Charles Tizeba amesema kwamba taifa kwa sasa linajitosheleza kwa chakula kwa asilimia 120 tu.

Waziri huyo alisema hayo katika mashindano ya mifugo katika viwanja maonesho ya Nanenane nzuguni mkoanji hapa.

Waziri tizeba alisema tathmini iliyofanyika inaonesha kwamba Tanznia inajitosheleza kwa chakula kwa asilimia 120

“Chakula kilichopo kinatutosha.Watanzania wale wenye tabia ya kuuza chote na kwenda kwa wakuu wa mikoa au wilaya na kusema hawana chakula taratibu huo haupo.

“Wako watu wanakiuka utaratibu wanauza chakula chote halafu wanaliamsha ili watu wote wakose usingizi” alisema Dk Tizeba.

Alisisitiza haja ya wananchi kuacha tabia ya kuuza chakula chote kwani kufanya hivyo ni kuitia familia katika matatizo makuhbgwa.

“Utaona mtu ana gunia nne halafu anazipeleka zote sokoni kwa kutegemea kuliamsha mbele ya safari, halitaamka.” alisisitisza Dk Tizeba.

Aidha aliwataka wananchi kuzingatia maelekezo yaliyotolewa kwa wale wanaotaka kusafirisha mazao nje ya nchi kwamba ni lazima kwanza waongeze thamani.

Pia alisema kwamba serikali inajitahidi kushusha gharama katika kilimo na hivi karibuni ilifuta tozo mbalimbali 108 katika kilimo, uvuvi na mazao ya mifugo baada ya kubaini kodi zinaongeza bei ya bidhaa ikiwa ni pamoja na kuondoa kodi katika mbolea na viuatilifu ili iwe rahisi kwa mkulima kuzalisha kwa kutumia teknolojia ya kisasa.

Aidha waziri huyo alisema serikali itatangaza bei mpya ya mbolea kwa lengo la kuachana na bei holela ili kila mwananchi amudu bei hiyo.

“Tumeanza kuchukua hatua kuhakikisha bei ya mbolea kila mtu anamudu, mambo ya ruzuku moja kwa moja kwenye mbolea tunakwenda kuachana nayo, “ alisema Dk Tizeba.

Awali Katibu Mkuu wizara ya Kilimo na mifugo Dk Mary Mashingo alisema wananchiwananchi wamekuwa wakielimishwa juu ya mbinu mbalimbali za kilimo na ufugaji.