SERIKALI YAFUTA CHAMA CHA WAKULIMA TASO VIONGOZI WAKE WATAKIWA KUKABIDHI OFISI NA VIFAA DC CHEMBA

Viwanja vya Maonesho ya Nane nane Nzuguni Dodoma

Mkuu wa wilaya ya Chemba Saimon Odunga akiongea na wanahabari kutoka Dodoma na Singida.

SERIKALI mkoani Dodoma imesema haitasita kuwachukulia hatua viongozi wa Chama cha Wakulima (TASO) ambao wamekuwa wakipita kwa ajili ya kuwatapeli wananchi licha na chama hicho kufutwa.

Kauli hiyo ilitolewa jana na Mkuu wa Wilaya ya Chemba Simon Odunga wakati akizungumza na waandishgi wa habari kwa niaba wakuu wa mikoa ya Dodoma na Singida juu ya maonesho ya wakulima na wafugaji nanenane yanayoanza leo katika viwanja vya Nzuguni Mjini hapa.

Odunga alisema TASO imefutwa lakini jambo la kushangaza kuna waliokuwa watumishi wa chama hicho bado wanapita na kutapeli wananchi.

“TASO imefutwa kwa na msajili wa vyama vya hiari na wanatakiwa kukabidhi mali kwenye serikali ya mkoa lakini hawakufanya hivyo, lakini kuna wanaopita kutapeli wananchi na kuchgukua fedha jamboi hilo tunalichunguza na tutachukua hatua” alisema

Alisema licha ya viongozo wa iliyokuwa TASO kutakiwa kukabidhi mali zote ifikapo Julai 28, mwaka huu lakini hawakufanya hivyo na wameandikiwa barua lakini hawakujibu ila wanapoteza muda tu hizo mali lazima wakabidhi” alisema

Pia alisema wataanza kufanyia uhakiki wa viwanja ambavyo vimetolewa na TASO.

“Kuna watu walipewa viwanja ndani ya maonesho lakini badala ya kuvitumia wamegeuza makazi kwa kujenga nyumba za kuishi jambo hili halikubaliki kwani maonesho hayo yapo kwa ajili ya kunufaisha wakulima na wafugaji na si vinginevyo” alisema

Aidha alisema maandalizi kwa ajili ya maonesho hayo yamekamilika na yatafunguliwa Agosti 3 na spika wa Bunge la Jamhuri ya Muungano wa Tanzania Job Ndugai.

Pia alisema viongozi mbalimbali wakiwemo mawaziri wanatarajia kutembelea maonesho hayo ambapo nchi za Kenya na Uganga zimeleta washiriki.

Aliwataka wananchi kujitokeza kwa wingi kwenye maonesho hayo ambayo yatakuwa na sehemu kubwa ya elimu kwa ajili ya wakulima na wafugaji.

Pia alisema wananchi watapa elimu juu ya ujenzi wa nyumba bora za bei nafuu.

Aidha alisema maonesho ya mwaka huu yameweka mfumo mzuri wa kudhibiti mapato na kiingilio katika maonesho hayo kitakuwa ni Sh. 1,000 kwa watu wazima na Sh. 500 kwa watoto.