KATIBU TAWALA WILAYA YA SINGIDA WILISON SHIMO MGENI RASIMI KATIKA FUTURU MJI WA ZAMANI SINGIDA

HAFLA za kufuturisha futari zilizofanyika na zinazoendelea kufanyika mwezi huu mtakatifu wa Ramadhani,zimeonyesha wazi kwamba upendo na mshikamano walionao Watanzani,bado upo imara kwa kizazi cha sasa,na pia utaendelea kuwepo kwa kizazi kijacho.

Hayo yamesemwa juzi jioni na kaimu mkuu wa wilaya ya Singida,Wilson Shimo,wakati akizungumza kwenye hafla ya futari iliyoandaliwa na diwani (CCM) kata ya Mitunduruni mjini hapa,Velerian Kimambo.

Alisema mikusanyiko ya hafla za kufuturisha,imekuwa ikikusanya watu wa madhehebu ya dini na pia watu wenye itikadi za kisiasa mbalimbali,bila kubaguana.

“Mfano mzuri na hai,ni hafla hii ya futari ya jioni hii.Hafla hii imeandaliwa na diwani Kimambo ambaye ni mkristo.Lakini sijaona wala kusikia watu wanaulizana wewe wa dini gani au umetoka chama gani cha siasa.Ni amani na utulivu tu, ndio umetawala hapa”,alisema Shimo.

Akiijengea nguvu hoja yake hiyo,,alisema zipo nchi zingine mikusanyiko ya aina hii ya kukusanya pamoja watu wa madhehebu ya dini na wa vyama vya siasa tofauti,haipo.Zenyewe zimetawaliwa na vurungu na kubaguana,basi.

Akisisitiza, alisema upendo na mshikamano unaoendelezwa na Watanzania kwa sasa,uendelee kuenziwa na kudumishwa zaidi kwa faida ya maendeleo ya taifa.

Aidha,Shimo ambaye ni katibu tawala wilaya ya Singida,ametumia fursa hiyo kuwapongeza waumini wa dini ya kiislamu,kwa kutekeleza kwa ufanisi maelekezo ya mtume Mohammed kwenye mfungo unaokaribia kufika ukingoni.

Kaimu mkuu huyo wa wilaya,amewataka wamalize kwa amani na utulivu mfungo wa mwezi mtakatifu wa Ramadhani,na siku kuu ya Eid Elftir,isiwe na vurungu za aina yo yote.

Kwa upande wake diwani Kimambo,amewasihi wakazi wa kata ya Mitunduruni kuendeleza mshikamano uliopo,ili waweze kuunganisha nguvu zao pamoja katika kutekeleza miradi mbalimbali ya maendeleo ya kata hiyo kongwe.

Katika hatua nyingine,amewataka kujitokeza kwa wingi kushiriki mbio za mwenge wa uhuru utakaozindua vyumba vya madarasa ya kisasa katika shule ya msingi Mitunduruni juni 30 mwaka huu.

“Tumepewa heshima mwaka huu Mwenge wa uhuru utalala kwenye kata yetu.Tujitokeze kukesha na mwenge hapo katika shule yetu ya msingi Mitunduruni”,alisema Kimambo.

Katibu tawala wilaya ya Singida Wilson Shimbu alipokuwa mgeni rasimi katika fututari iliyo andaliwa na Mh Kimambo diwani wa kata ya Mghanga maenoe ya Mji wa zamani.

Mh Kimambo Diwani wa kata ya Mghanga akitoashukran kwa watu wote waliofika katika futuru huyo.

Katibu wa CCM mkoa wa Singida Jimson Mhagama akiongea na waumini wa dini ya kiislamu katika futuru hiyo baada ya kumaliza kula nakuwatika sikukuu njema waislam wote.