DR NCHIMBI AFANYA UKAGUZI WA MIRADI YA MAJI MANISPAA YA SINGIDA

Mkuu wa mkoa Dr Nchimbi fanyaukaguzi wa miradi ya maji katika manispaa ya Singida na kubaini mapungufu huku wanasiasa kuusika katika mapungufu hayo. picha ni Mkurugenzi wa manispaa ya Singida Bw Bravo Lyampimbile akikabidhi 50,000 kwaajili ya umeme wa LUKU.

Mwenye kanzu na faili ni muhandisi wa maji Bw Max akikagua bili za LUKU katika kituo cha Manga .

kituo cha pampu ya maji cha Manga manispaa ya Singida

Mkuu wa mkoa Dr Nchinbi na mkuu wa wilaya Elias Tarimo wakipozi katika mnada kila jumamosi Manga

MIRADI ya visima kumi katika manispaa ya Singida iliyofadhiliwa na serikali pamoja na benki ya dunia na kukamilika kwa asilimia mia moja miaka kadhaa iliyopita,hadi sasa wananchi hawajaanza kunufaika na miradi hiyo.

Hali hiyo kwa kiasi kikubwa imechangiwa na kamati za maji za miradi hiyo,kutokutambua wajibu wao.

Pia viongozi wa kisiasa katika maeneo ya mradi hiyo iliyogharamu fedha nyingi,nao hawaoni tatizo wananchi wao kukosa maji,ili hali wanayo mradi wa maji uliokamilika.

Hayo yamesemwa mwishoni mwa wiki na mkuu wa mkoa wa Singida,Dk.Rehema Nchimbi,baada ya kukagua miradi hiyo, na kujiridhisha kwamba imekamilka na ina thamani ya fedha zilizotumika.

Alisema lengo la miradi hiyo,ni wananchi wapate maji safi na salama kwa umbali usiozidi kilometa nne,kama ilivyoagizwa na serikali.

“Katika ukaguzi wangu,nimebaini mifumo katika miradi hii ya maji,ipo vizuri sana.Baadhi inaendeshwa kwa umeme na mingine kwa mafuta ya dizel.Makubaliano yalikuwa baada ya kukamilika miradi hii,iendeshwe na kamati za maji kwa asilimia mia moja”,alisema.

Akifafanua zaidi,Dk.Nchimbi alisema wajibu wa kamati hizo,ni pamoja na kukusanya fedha zinazotokana na kuuza maji kwa wateja.

“Fedha zinazopatikana ndizo zitakazoendesha mradi husika ikiwemo kugharamia matengenezo ya mashine,pampu,miundombinu,kununulia dizel,umeme na kumlipa mhudumu wa mradi.Makubaliano ni miradi ikikamilika,inabaki mikononi mwa wananchi kupitia kamati zao za maji.Serikali na wafadhili,hawatahusika tena”,amesisitiza.

Aemesisitiza zaidi,kwa kusema serikali na benki ya dunia imegharamia fedha nyingi kwenye miradi hiyo,hivyo haiwezi kuendelea kuona miradi inabaki kuwa mapambo,badala ya kuwaondolea wananchi kero ya maji.

“Naagiza wananchi wajipange upya chini ya kamati zao,wachague jumuiya za watumiaji maji.Kwenye jumuiya hizo za maji,wanaweza kuwepo pia wale waliokuwa kwenye kamati za awali za maji.Jumuiya hizi ziwajibike kikamilifu,zihakikishe zinapata fedha kutoka mauzo ya maji,ili waendeleshe miradi hiyo kwa ufanisi”,alisema Dk.Nchimbi.

Akiijengea nguvu hoja yake hiyo,amesema kuanzia mei mwaka huu,anataka kuona kila wananchi wa manispaa ya Singida,anapata maji safi na salama kwa umbali mfupi.

“Rasilimali maji,ni msingi kwa maisha ya viumbe hai wakiwemo binadamu.Maji yakiwepo tena kwa umbali mfupi,mambo yote yatakwenda vizuri.Maji yanasaidia kuweka mazingira safi,na afya za wananchi zinaboreka.Maji yana mchango mkubwa kwa jamii inayoelekea kwenye Tanzania ya viwanda”,alisema.

Wakati huo huo,mkuu huyo wa mkoa,amesema kuwa wanatarajia baadhi ya miradi na hasa ile ya umeme,kuibinafisha kwenye mamlaka ya maji safi na maji taka (SUWASA),kwa ajili ya kuiendesha.Mingi itaendelea kumilikiwa na wananchi wenyewe.

Awali ,mhandisi maji manispaa ya Singida,Max Hassan Kaaya,alisema wanaendelea kuelimisha jamii kuwa miradi hiyo ya maji,ni mali yao hivyo jukumu la kuiendesha ni lao.Pia wanapaswa kuilinda na kuitunza vizuri.

Naye mkazi wa kijiji cha Mtamaa,Hongoa Bunka,alisema elimu zaidi itolewe ili kubadilisha fikiri potofu ya baadhi ya wananchi kuwa jukumu la kuendesha miradi ya maji ni la serikali. Wabadilike na kutambua kuwa ni mali yao, na wao ndio watakaoiendesha.