 |
| Stend kuu ya mabasi Misuna Singida |
 |
Halmashauri ya
manispa ya Singida, imetumia zaidi ya shilling billioni moja kugharamia ujenzi
wa barabara yenye urefu wa kilometa 1.8 kwa kiwango cha lami, kituo cha mabasi
madogo Majengo na kituo cha mabasi ya mikoani Misuna kati ya januari mwaka huu,
hadi sasa.
Kati ya fedha hizo shilingi 76,480,000, ni malipo ya
msimamizi wa mradi huo umefadhiliwa na beki ya dunia
Kaimu mkurugenzi wa manispaa ya Singida Deus Luziga, amesema
utekelezaji wa kazi kwa sasa, ni asilimia 65 ya lengo na kazi inaendelea
vizuri.
Busongo amesema kiasi hicho ambacho kimeshalipwa, ni malipo ya
awali kati ya shilingi 6,168,949,244.67 ambazo zitalipwa baada ya kukamilika
kazi,kwa mujibu wa mkataba.
Kaimu mkurugenzi huyo, amesema ujenzi huo unaotekelezwa na
mkandarasi Hari Singh and Sons ltd ya mkoa wa Kilimanjaro, unatarajiwa kumalizika January nne
mwakani (2017)
Katika hatua nyingine, kaimu mkurugenzi huyo, amesema wanatarajia
kutumia zaidi ya shilingi 454.6 milioni, kwa mwaka fedha 2016/2017 kwa ajili ya kugharamia
matengenezo mbalimbali ya barabara zake.
Alitaja baadhi ya mategenezo ya kawaida
yatafanywa kwenye barabara ya Mwankoko- Mtamaa, barabara ya
Mandewa na Mughanga.
Amesema wanatarajia kujenga mifereji ya maji ya mvua
kwenye barabara ya Sabasaba, Minga, Utemini (SIDO), Sokoine na Mitunduruni.
0 Comments