NEYMAR ASAINI MKATABA MPYA BARCELONA, KUBAKI HADI 2021

MWEZI JULAI, FC Barcelona ilitangaza kuwa Neymar amekubali Dili mpya ya Miaka Mitano na Jana Mabingwa hao wa Spain wamethibitisha kuwa ameshaini.

Jana Klabu ya Barcelona iliposti kwenye Mtandao wa Twitter Picha ya Mbrazil huyo na Rais wa Barca, Josep Maria Bartomeu, wakipeana mikono kuthibitisha Dili imekamilika.

Neymar, akiongea na Barça TV, alisema anasikia furaha kubwa kwa kusaini Mkataba mpya kwani anajisikia yuko Nyumbani.

Alisema: “Kabla sijaja Barcelona nilijua ni Klabu kubwa na ina Wachezaji wazuri sana na hilo lilinipa wasiwasi. Lakini nilipofika tu nikagundua ni Watu wema na hilo lilinigusa moyoni na kunisaidia kujisikia Nyumbani!”

 

- Neymar amefunga Mabao 91 katika Mechi 150 tangu 2013.

Mwezi Julai Barca ilithibitisha kuwa kwenye Mkataba huu Mpya na Neymar, ikiwa Klabu nyingine itataka kumnunua katika Mwaka wa Kwanza wa Mkataba huo basi itapaswa kulipa Euro Milioni 200, Mwaka wa Pili wa Mkataba Dau ni Euro Milioni 222 na kwa Miaka Mitatu iliyobaki kwenye Mkataba Dau litakuwa Euro Milioni 250.

Neymar alijiunga na Barca kutoka Santos ya Brazil Mwaka 2013 kwa Mkataba wa Miaka Mitano na kuweza kutwaa Ubingwa wa La Liga mara 2, Copa del Rey mara 2 na UEFA CHAMPIONZ LIGI 1.

Tuandikie Maoni Yako Hapa