TUME YA UTUMISHI WA MAHAKAMA YAWEKA MKAKATI WA KUWAFIKIA WANANCHI.

Naibu katibu (maadili na nidhamu)Tume ya utumishi wa Mahakama Bi Alesia Alex Mbuya akifungua mafinzo hayo mjini Singida.

Kaimu Afisa Habaru mkuu na Mawasiliano Lidyia Churi kutoka Tume ya Utumushi wa Mahakama akitoa neno la utangulizi juu ya Semina hiyo mjini Singida.

SINGIDA

27.08.2024

Tume ya Utumishi wa Mahakama imeweka Mkakati wa kuwafikia wananchi na kutoa elimu kuhusu uwepo wake, namna inavyotekeleza majukumu yake zikiwemo kamati zinazopokea malalamiko ya ukiukwaji wa maadili kwa Maafisa wa Mahakama na namna ya kuwasilisha malalamiko hayo.

Wakiongea kwa wakati tofauti tofauti washiriki wa mafunzo hayo Maafisa Tarafa kutoka wilaya na kata mbalimbali Mkoani Singida wamesema kuwa mafunzo hayo yatakuwa na tija kwani wananchi wamekuwa na uelewa mdogo juu ya kazi za tume hiyo.

Awali akifungua semina hiyo Naibu Katibu (Maadili na Nidhamu) Tume ya Utumishi wa Mahakama ALESIA MBUYA amesema kuwa lengo la semina hiyo ni kwajengea uwezo Maafisa hao wa ngazi ya kata ili kuweza kuwaelimisha wananchi juu ya majukumu ya Tume hiyo.

Mbuya amesema kuwa viongozi hao ili waweze kwenda kuwaelimisha wananchi kuhusu Tume hiyo ya Utumishi wa Mahakama ni bora pia wakapatiwa semina ya kujua majukumu yao na kupewa elimu juu ya maadili ya uongozi.

Aidha wakati akumkaribisha mgeni rasmi Kaimu afisa habari mkuu kutoka tume ya utumishi wa Mahakama Lidya Churi amesema kuwa tume ya utimishi imejiwekea mikakati ya kuhakikisha inatoa elimu kwa wanachi juu ya kuwasilisha malalamiko yao.