RAIS DR J.P MAGUFULI KUZINDUA BARABARA MKOANI SINGIDA

by - Cales Katemana on - 11:38

Dr Nchimbi akizungumza na wanahabari leo

Rais wa Jamhuri ya Muungano Tanzania Dr: John Pombe Joseph Magufuli , hapo kesho anatarajiwa kufanya ziara ya siku moja mkoani Singida ,kufungua rasmi barabara ya kiwango cha lami ya Manyoni – Itigi hadi chaya mpakani na mkoa wa Tabora.

Taarifa hiyo imetolewa na mkuu wa mkoa wa Singida,Dr:Rehema wakati akizungumza na waandishi wa habari ofisini kwake hii leo.

Dk.Nchimbi amesema kuwa uzinduzi huo wa barabara yenye urefu wa kilometa 89.3, unatarajiwa kufanyika kuanzia majira ya saa tatu asubuhi kwenye mzunguko au Round about ya barabara katikia mji mdogo Itigi wilaya ya Manyoni.

Amesema tukio hilo ni muhimu kwa kila mwenye nafasi kuhudhuria,na kwamba barabara hiyo itachochea ukuaji wa uchumi kwa mikoa ya kanda ya kati.