TCRA YAZIPIGA PINI MICHUZI TV, AYO TV NA GLOBALTV, YAANDAA KANUNI KWA TV MTANDAO

Millard Ayo,Ankal Issa Michuzi,Abdallah Mrisho na Askofu wa Ayo TV

Mamlaka ya Mawasiliano Tanzania (TCRA) imezitaka Michuzi TV,

AYO TV na Global TV kusitisha huduma zao za TV mtandaoni hadi hapo kanuni za usajili rasmi ambazo mamlaka hiyo imesema inaandaa kwa

huduma hizo zitapokuwa tayari.

Barua hiyo, iliyosainiwa na Mkurugenzi Mkuu Mhandisi James

Kilaba tarehe 30 January mwaka huu, imevitaka vyombo hivyo ambavyo vinapendwa

sana nchini na nje ya nchi kuacha mara moja kutoa huduma za TV mtandaoni.

"Kwa mujibu wa section 13 (1) of the electronic and

postal communications Act Cap 306, sheria za Tanzania zinahitaji watoa huduma

zozote za aina hiyo wanahitaji leseni kutoka mamlaka ya mawasiliano",

imesema barua hiyo.

Wamiliki wa mitandao hiyo - Millard Ayo, Ankal Issa Michuzi

na Abdallah Mrisho - wameeleza

kushtushwa kwao kwa agizo hilo la ghafla, tena wakati hata kanuni zenyewe hazijawekwa.

"Gloval

TV ipo tayari hata leo kukamilisha taratibu za usajili - kama zingekuwepo - na

kwa sababu bado kukamilika tunaomba kupewa muda zaidi wa kuendelea kutoa huduma hii ya bure tukiwa chini ya uangalizi wakati

tunasubiria kanuni hizo mpya," alisema Abdallah Mrisho, Meneja Mkuu wa

Global Publishers.

Ankal Michuzi na Millard Ayo waliunga mkono kauli hiyo na kwa pamoja

watatu hao wameomba kuonana na mkurugenzi wa TCRA ili kuwasilisha maombi rasmi

ya kuruhisiwa kuendelea kutoa huduma hiyo kwa muda wakati kanuni zikisubiriwa.

Bahati mbaya Mhandisi Kilaba alikuwa safari na swala hilo limepangwa

kushughuliwa ataporejea wiki ijayo.

"Ukizingatia kwamba tumekuwa tunatoa huduma hii kwa muda mrefu na haijulikani kanuni zitakuwa tayari lini tunaomba TCRA iangalie namna ya kufanya ili wananchi wanaotutegemea sana kwa taarifa mbalimbali wasikose huduma hii", alisema Ankal. Hata hivyo vituo hivyo vitatu vinaendelea kuhudumu nje ya mwenendo wa TV mtandao, ambapo kwa sasa vitaendelea kuhudumu kwa kutumia majina ya blog zao.

Na Sultani Kipingo, Globu ya Jamii