BARACK OBAMA: KWAHERI BERLIN

by - Cales Katemana on - 18:26

Rais Barack Obama wa Marekani amekutana kwa faragha na Kansela Angela Merkel wa Ujerumani kwa chakula cha jioni baada ya kuwasilii Berlin katika ziara yake ya mwisho barani Ulaya akiwa rais wa Marekani.

Mkutano huo wa chakula cha jioni ulifanyika katika Hoteli ya Adion ambayo iko karibu kabisa na eneo la kihistoria la Brandenburg Gate mjini Berlin ambapo Obama na ujumbe wake watakuwapo hadi kesho Ijumaa.

Haikuweza kufahamika kitu gani hasa viongozi hao wawili wamekijadili juu kwamba yumkini masuala waliyojadili ni pamoja na kuchaguliwa kwa Donald Trump katika uchaguzi wa rais kuchukuwa nafasi ya Obama na mzozo wa Syria.

Mazungumzo zaidi yanatarajiwa kufanyika baadae leo hii katika ofisi ya Kansela Merkel.Obama aliwahi kumpongeza Merkel kuwa ni mshirika wa kuaminika na alitetea msimamo wake wa kushughulikia mzozo wa wakimbizi ambao ulimgharimu kisiasa kwa kushuka kwa umashuhuri wake nchini Ujerumani.