TAKUKURU WATAKIWA KUPAMBANA NA RUSHWA MPAKA NDANI YA TAASISI ZA KIDINI

by - Cales Katemana on - 11:46

Shekh Issa Nassor katika swala ya Eid manispaa ya Singida viwanja vya s/m Ukombozi

Taasisi ya kuzuia na kupambana na rushwa (TAKUKURU) meshauriwa kuelekeza nguvu zake kwenye madhehebu ya dini, kwa kile kilichotajwa kuwa baadhi ya taasisi zake zimejaa ufisadi na dhuluma

Sekhe wa taasisi ya Thamaratul Kadiria mkoani Singida,Issa Nassoro ametoa wito huo wakati akitoa mawaidha kwenye kilele cha maadhimisho ya siku kuu ya Eid el Haji yaliyofanyika kwenye kiwanja cha shule ya msingi Ukombozi mjini Singida

Amesema baadhi ya viongozi wa madhehebu ya dini ambao wengi hawapendani wao kwa wao, wamekuwa wakiuza viwanja na mali mbali mbali ya madhehebu na taasisi zao, na kujinufaisha binafsi.

Sheikh Nassoro ametumia fursa hiyo kuiomba TAKUKURU kuelekeza macho yao kwenye madhehebu na dini na taasisi zake,ili kukomesha vitendo hivyo ambayo havikubakili kijamii na Mungu pia havipendi.

Katika hatua nyingine,Sheikh Nassoro,amesema vitendo hivyo vyote vinafanywa na binadamu ambao hawana hofu ya Mungu.