KESI YA MFANYAKAZI WA BANK YA POSTA TAWI LA SINGIDA YAENDELEA TENA LEO

Kesi inayombakiri aliyekuwa mfanyakazi wa Bank ya Posta tawi la Singida Elihuruma Emmanuel imeendelea kusikilizwa katika makahama ya wilaya ya Singida kwa mashahidi wawili kutoa ushahidi wao.

Shahidi wa kumi Damiano Nkumbo (45) ambaye alitakiwa na wakili wa serikali Bi.Petrida Muta kuiambia mahakama siku ya tukio ilivyokuwa amesema mshitakiwa alianza kutoa semina kwa wanavikundi mbalimbali katika vikundi.

Aidha Bw.Nkumbo ameieleza mahakama kuwa mshitakiwa aliwasihi kufungua Akaunti ili waweza kupata mkopo kwa urahisi ambapo walitii wito huo.

Shahidi wa kumi na moja amesema kuwa baada ya kufungua akaunti kama wana kikundi cha Nguvu kazi walikusanya shilingi laki tatu kwa ajili ya dhamana ya mkopo ambapo waliwasiliana na mshitakiwa na hatimaye kukutana eneo la kibaoni na kumkabidhi hiyo fedha.

Hata hivyo Hakimu wa mahakama hiyo Bi.Joyce Minde ameahirisha kesi hiyo hadi April,13 mwaka huu itakapo kuja kwa ajili ya kuendelea kisikilizwa kwa mashahidi wawili waliobaki.

Tuandikie Maoni Yako Hapa