VIJANA WALIYOHITIMU MGAMBO WATAKIWA KUSAIDIA JAMII

by - Cales Katemana on - 10:42

Kaimu mkuu wa mkoa na mkuu wa wilaya ya singida Elias Jonh Tarimo akianagalia gwalide la mgambo

Wahitimu 120 waliohitimu mafunzo ya mgambo katika wilaya ya Singida wametakiwa kwenda kuyatumia mafunzo waliyoyapata kwa ajili ya kuisaidia jamii hususani katika suala la ulinzi na usalama.

Hayo yamesemwa na mwenyekiti wa kamati ya ulinzi na usalama ya wilaya ya Singida ambaye ni mkuu wa wilaya Ellias John Tarimo wakati akizungumza na wahitimu hao na wananchi kwa ujumla kwenye hafla ya kufunga mafunzo hayo.

Tarimo amesema kuwa mafunzo waliyoyapata wahitimu ni kielelezo tosha kinachowapambanua kama askari walioiva kukabiliana na matukio ya kihalifu hivyo wayatumie kuimarisha ulinzi wa jamii na mali zake.

Ameongeza kuwa Tanzania haijaweza kufikia kwenye takwimu ya matukio mengi yanayohatarisha amani hivyo ni vyema kwa misingi iliyopo kuilinda amani wahitimu wakayasimamie kwa kuwasaidia wananchi na sio kwenda kuwa chanzo cha vurugu.

Awali katika Risala ya wahitimu hao wamesema kumekuwa na mwamko mdogo kwa wananchi kushiriki mafunzo ya uaskari mgambo kitendo ambacho kichangiwa.