Mmoja kati ya maofisa wa ngazi ya juu
katika ligi kuu ya Uingereza, Mark Clattenburg, anatarajia kubwaga manyanga ya
nafasi yake hiyo na badala yake kuchukua madaraka mapya ya mkuu wa waamuzi au
mwite mkuu wa marefa nchini Saudi Arabia.
Mark Clattenburg, tayari amekwisha pangiwa majukumu yake mapya
ambayo ni kuhakikisha timu za nchi hiyo zinafanya vizuri na kufanya ligi ya
Saudi inakuwa ya kitaalamu zaidi , hata hivyo anatarajiwa pia kuwa msiamamizi
mkuu wa baadhi ya michezo ya ligi kuu nchini humo.
Mwaka wa jana, Clattenburg alikuwa muamuzi katika fainali za
michuano ya kombe la Ulaya . Wachambuzi wa masuala ya mpira wa miguu wanasema
kwa pamoja Saudi Arabia na China hivi karibuni walisajili wachezaji wengi wenye
majina makubwa pamoja na makocha kutoka Amerika ya Kusini na Ulaya kwa ujumla,
wakitarajia kuinua hadhi ya ligi kuu ya taifa pamoja na wachezaji binafsi ili
wafikie viwango vya kimataifa katika mchezo huo.
0 Comments