Vinicius Jr wa Real Madrid anasakwa na Ligi ya Saudia,
Manchester United wanafikiria kumsajili Dominic Calvert-Lewin kutoka Everton,
Southampton wamekubali kumuuza Armel Bella-Kotchap kwa Hoffenheim.
Mshambuliaji wa Real Madrid mwenye umri wa miaka 24 Vinicius Jr anasakwa na Ligi kuu ya Saudia.
Manchester United wamefanya majadiliano ya kina kuhusu usajili wa wachezaji kadhaa msimu huu wa joto, akiwemo Muingereza wa Everton, Dominic Calvert-Lewin, 27.
Southampton wamekubali mkataba wa pauni milioni 12.8 sawa na (euro 15m) kumuuza beki wa Ujerumani Armel Bella-Kotchap, 22, kwenda Hoffenheim, huku uchunguzi wa kimatibabu ukipangwa kufanyika Jumanne.
Leicester City wamefikia makubaliano na Bayer Leverkusen juu ya mkopo na wajibu wa kumnunua mshambuliaji wao wa Jamhuri ya Czech Adam Hlozek. The Foxes bado wanahitaji kukubaliana juu ya masharti ya usajili na mchezaji huyo mwenye umri wa miaka 22.
Manchester United wameanzisha tena mazungumzo na Everton kuhusu kumsajili beki wao wa Uingereza Jarrad Branthwaite mwenye umri wa miaka 22 kwa pauni milioni 60.
Manchester City wako tayari kumwachia kiungo wa kati wa Uingereza Kalvin Phillips, 28, aondoke kwa mkopo, huku Ipswich, Everton na Fulham zikiwa na nia ya kumsajili.
Ombi la Bournemouth la kumnunua mshambuliaji wa Brazil Evanilson, 24, limekataliwa na Porto.
Newcastle wanatazamiwa kumnunua winga wa Chelsea Muingereza Noni Madueke mwenye umri wa miaka 22 ikiwa kikosi cha Eddie Howe kitamuuza kiungo wa kati wa Paraguay Miguel Almiron, 30, kwa Charlotte FC.
Nottingham Forest wanakaribia kumsajili mshambuliaji wa Paraguay Ramon Sosa kutoka klabu ya Talleres ya Argentina. Mkataba wa mchezaji huyo mwenye umri wa miaka 24 ungekuwa na thamani ya karibu £11m.
Aston Villa, Fulham na Crystal Palace wako mbio kumsajili beki wa Chelsea Muingereza Trevoh Chalobah, 25.
Mshambuliaji wa Tottenham Dane Scarlett, 20, yuko kwenye mazungumzo ya kujiunga na kalabu ya Oxford United kwa mkopo. Muingereza huyo tayari ameshacheza mechi 10 akiwa na Spur
Napoli wamewasilisha ofa ya thamani ya euro 25m sawa na pamoja na euro milioni tano kama nyongeza ya ziada kwa mshambuliaji wa Chelsea na Ubelgiji Romelu Lukaku, 31.
Newcastle wanatafuta chaguo mbadala wa safu ya ulinzi licha ya kuwasilisha ombi la tatu la kumsajili beki wa Crystal Palace na England Marc Guehi, 24.
Crystal Palace pia wanafuatilia hali ya kiungo wa
Chelsea Carney Chukwuemeka, 20, na watawasilisha ombi lao ikiwa Muingereza huyo
atapatikana. (South London Press)
0 Comments